早幾日終於去到金鳳食佢嘅扒, 一入到去已經覺得唔多自在, 如果唔係噤出名真係未必會入去.... 我地叫左一份西冷扒, 一份牛聊, 當然最吸引梗係個前菜~紅湯+包包喇!! ≧▽≦v 果堆蒜蓉.... 真係好震撼吓, 不過我唔多鍾意!! 又問人地幾多成熟, 話六成結果又係呃人, 仲要整污jo 我個啤啤梨袋.... 哼!! 好嬲 .\ /. 搞到冇咩心情食, 果度d 空氣又差, 好大煙, 搞到個人冇晒 mood, 可能我真係好重視食野嘅環境同氣氛喇!! 不過老實講句, 佢啲質數好過咩王中之王嘅, 起碼叫值吖!! 但.... 慘痛嘅事亦隨之而發生, 食完無耐就開始唔多C酷, 又痾又嘔, 仲成晚瞓唔到, 差啲入埋廠tim, 捱到第二朝已經有啲虛脫嘅跡象, 原來急性腸胃炎, 好辛苦 (≡ _ ≡") 成個人冇晒力, 結果食左葯攤左o係張床度, 一瞓瞓左20個鐘, 勁!! 好似從未試過噤經典, 到第二朝一起身七點又返工, 哈!! 瞓左噤耐, 食左啲葯先好少少, 起碼行到下.... 不過食晒兩日葯都仲唔係好掂, 結果星期六又去睇多次醫生, 希望快啲好番喇!! 原來病真係好好好辛苦架, 連最鍾意食麵包嘅我都可以一個當三餐, 諗起都覺淒涼... 嗚嗚鳴....... ::>_<::
No comments:
Post a Comment